AMOS LANGDOWN - 1930-2006

Die Oos-Kaapse skilder Amos Langdown is jare lank al plaaslik en oorsee bekend vir sy simpatieke en humoristiese uitbeelding van sy mense.

"Kyk, teken, die het ek altyd. Ag seker hier van so vier af al. Sommer so met stukkies houtskool uit die vuur"

Hy kry sy inspirasie van die see en die wind en die strand. Hy skilder van 'n groep mense wat hy nie vergeet het nie.

Sy werk poog nie om opstandige politieke kommentaar te lewer nie, so ook nie om uitspattig te wees nie.

Amos se kleurgebruik is deurgans sag en subtiel, en hy het 'n groot voorliefde vir rooibruin.